Soti 29 me pou rive 2 jen 2023, Regwoupman Edikasyon Pou Tout Moun (REPT) te patisipe nan reyalize Semèn Aksyon Mondyal pou Edikasyon (SAME) 2023, Kanpay Mondyal Pou Ledikasyon ak manm il yo, tankou REPT oganize chak ane depi 20 tan. Tèm ane sa se te « Envesti pou yon mond jis : Ann dekolonize finansman edikasyon depi kounye a. »

Nan divès aktivite REPT te oganize, nou te we:

1.- Nesesite pou richès ak bidjè peyi a byen kontwole ak byen jere

2- Nesesite pou mande gouvènman ki la a pou il kanpe sou previzyon il fè pou I redwi bidjè pou ledikasyon an pou lane 2023-2024 pou Itonbe pi ba pase 11.2% ki deja pa menm sifi pou rezoud pwoblèm edikasyon nan peyi a.

3.- Nesesite pou mande gouvenman ki la a, pou I ogmante bidjè edikasyon nasyonal ki reprezante kounya selman 11.2 %nan bidjè nasyonal 2022-2023 a, pou Ipase nan 15%- 20% jan Leta ayisyen te pran angajman pou fè sa onivo entènasyonal.

4.- Nesesite pou plis pase 3 milya goud peyi a ap peye chak ane sou dèt, sèvi pito pou mete yo sou bidje edikasyon piblik nan peyi a.

Nou we tou fondamantalman, nesesite pou peyi a genyen :

.1 Yon Leta ak gouvenman responsab ki granmoun tèt il epi k ap pran desizyon pou devlope ekonomi pevi a nan divès domèn tankou nan agrikilti ak löt pwodiksyon nasyonal, pou jwenn lajan pou satisfè bezwen popilasvon an.

Edikasyon se yonn nan premye bezwen yo. Konsa ap genyen plis moun kap travay, kap touche, k ap rantre bon lajan.

2-. Yon Leta ak gouvènman responsab ki granmoun tèt li dwe pran dispozison pou devlope

jistis fiskal nan peyi a pou ogmante, kontwole ak byen jere lajan Leta ap rantre,. Lap ka fe sa avek mezi tankou:

Mezi pou devlope enpo ki pa gave sou tout popilasyon (enpo plon gaye) men enpo selon vale byen ak I riches:

Mezi kont fwod ak evazyon fiskal

Mezi pou sispann fè kado franchiz pasi pala.

REPT ak löt oganizasyon epi moun ki te patisipe nan Semen Aksyon Mondyal pou Ledikasyon 2023 an, pran angajman pou kontinye lite pou Leta ayisyen itilize lajan ki nesese pou reyalizasyon dwa ledikasyon, dwa tout moun genyen pou jwenn bon kalte edikason piblik, gratis, san fös kote epi ki fêt nan sans pou transföme peyi a pou nou tout viv byen.

9 jen 2023

William Thelusmond

Direktè Egzekitif